ആയുർവേദ ആചാര്യൻ ഡോ. പി.കെ.വാരിയർ അന്തരിച്ചു

ആയുര്‍വേദ ആചാര്യനും കോട്ടയ്ക്കല്‍ ആര്യവൈദ്യശാലാ മാനേജിങ് ട്രസ്റ്റിയുമായ പത്മഭൂഷണ്‍ ഡോ. പി കെ വാരിയര്‍ അന്തരിച്ചു. 100 വയസായിരുന്നു. വാര്‍ദ്ധക്യ സഹജമായ രോഗങ്ങളാല്‍ ചികിത്സയിലായിരുന്നു. ആയുര്‍വേദത്തെയും കോട്ടക്കല്‍ ആര്യവൈദ്യശാലയെയും ലോക നെറുകയിലേക്കുയര്‍ത്തിയ വ്യക്തിയായിരുന്നു അദ്ദേഹം. ജൂണ്‍ എട്ടിനാണ് അദ്ദേഹത്തിന്റെ നൂറാം പിറന്നാള്‍ ആഘോഷിച്ചത്.

1999 ൽ പത്മശ്രീയും, 2010 ൽ പത്മഭൂഷണും നല്‍കി രാജ്യം അദ്ദേഹത്തെ ആദരിച്ചു. 1997ൽ ഓൾ ഇന്ത്യ ആയുർവേദിക് കോൺഫറൻസ് ‘ആയുർവേദ മഹർഷി’ സ്ഥാനം അദ്ദേഹത്തിനു സമർപ്പിക്കുകയുണ്ടായി. ആറ് പതിറ്റാണ്ടിലേറെ കോട്ടക്കല്‍ ആര്യവൈദ്യശാലയുടെ മാനേജിങ് ട്രസ്റ്റിയായി പ്രവര്‍ത്തിച്ചു.