കോതമംഗലം : കോട്ടപ്പടി , പിണ്ടിമന പഞ്ചായത്തുകളിലെ രൂക്ഷമായ കാട്ടാന ശല്യം പരിഹരിക്കുന്നതുമായി ബന്ധപ്പെട്ട് ആന്റണി ജോൺ MLA യുടെ അധ്യക്ഷതയിൽ വനം വകുപ്പ് ഉദ്യോഗസ്ഥരുടേയും, ജനപ്രതിനിധികളുടേയും യോഗം ചേർന്നു. കോതമംഗലം PWD റസ്റ്റ് ഹൗസിൽ നടന്ന യോഗത്തിൽ താഴെ പറയുന്ന തീരുമാനങ്ങൾ കൈക്കൊണ്ടു.
- എനർജൈസർ കേടുവന്നിട്ടുണ്ടെങ്കിൽ നന്നാക്കും ചെറിയ ബാറ്ററി മാറ്റി സ്ഥാപിക്കും അങ്ങനെ സോളാർ ഫെൻസിങ്ങ് കൂടുതൽ കാര്യക്ഷമമാക്കും.
- ഹാങ്ങിങ് ഫെൻസിങ്, ട്രെഞ്ച്, റെയിൽ ഫെൻസിങ് തുടങ്ങിയ പരിഹാര നിർദ്ദേശങ്ങളുടെ പ്രപ്പോസൽ വനം വകുപ്പിന് സമർപ്പിച്ചിട്ടുണ്ട് എന്ന വിവരം ഡി.എഫ്.ഒ അറിയിച്ചു.
- പ്രശ്നക്കാരായ മൂന്ന് ആനകളെ തിരിച്ചറിഞ്ഞിട്ടുണ്ട് എന്നും അക്കാര്യം ചീഫ് വൈൽഡ് ലൈഫ് വാർഡനോട് ഉടൻ തന്നെ റിപ്പോർട്ട് ചെയ്യുമെന്നും ഡി.എഫ്.ഒ അറിയിച്ചു.
- വാച്ചർമാരോട് അടിയന്തിരമായി അടിക്കാടുകൾ വൃത്തിയാക്കുന്ന പ്രവൃത്തികൾ ആരംഭിക്കുവാൻ നിർദ്ദേശിക്കുന്നതിനും അത് പൊതുജന പങ്കാളിത്വത്തോടെ നിർവ്വഹിക്കുന്നതിനും ധാരണയായി.
- നിലവിൽ രാത്രി പട്രോളിങ്ങ് നടത്തുന്ന രണ്ട് ടീമുകളുടെ പ്രവർത്തനത്തിൽ കൂടുതൽ കാര്യക്ഷമത ഉറപ്പു വരുത്തും.
- കൃഷിയിടത്തിലെ വിളവ് ആക്രമിക്കുന്ന കാട്ടുപന്നികളെ തുരത്തുന്നതിന് ആവശ്യമായ അനുവാദത്തിനുള്ള അപേക്ഷയിൽ ഉടൻ തന്നെ നടപടി സ്വീകരിക്കും.
യോഗത്തിൽ കോട്ടപ്പടി പഞ്ചായത്ത് പ്രസിഡന്റ് മിനി ഗോപി , പിണ്ടിമന പഞ്ചായത്ത് പ്രസിഡന്റ് ജെസി സാജു , മലയാറ്റൂർ DFO രവികുമാർ മീണ, തുണ്ടം റേഞ്ച് ഓഫീസർ മഹമ്മദ് റാഫി , കോടനാട് റേഞ്ച് ഓഫീസർ ധനിക് ലാൽ , ബ്ലോക്ക് പഞ്ചായത്ത് മെമ്പർമാരായ ആഷാ അജിൻ , ലിസി ജോസഫ് , കോട്ടപ്പടി പഞ്ചായത്ത് മെമ്പർമാരായ സാറാമ്മ ജോൺ, സണ്ണി വർഗ്ഗീസ്, സന്തോഷ് അയ്യപ്പൻ, പിണ്ടിമന പഞ്ചായത്ത് മെമ്പർമാരായ എസ്.എം. അലിയാർ, ജിൻ സ്മാത്യു, എന്നീ വാർഡ് മെമ്പർമാരും , കെ.എ. ജോയി. പി .എം . അഷറഫ്, ബിജു.പി. നായർ , സജീവ് നാരായണൻ , വനജാഗ്രത സമിതി അംഗങ്ങളായ മത്തായി, ജോൺസൻ തുടങ്ങിയവർ യോഗത്തിൽ പങ്കെടുത്തു.
0 Comments