കോതമംഗലത്ത് കഞ്ചാവുമായി 6 യുവാക്കളെ എക്സൈസ് പിടികൂടി. കോതമംഗലം ടിബികുന്ന് ഭാഗത്ത് നടത്തിയ പരിശോധനയിലാണ് 66 ഗ്രാം കഞ്ചാവുമായി യുവാക്കൾ പിടിയിലായത്. പാറയ്ക്കൽ ഡാർവിൻ, കൈപ്പിള്ളിക്കുടി ആൽബിൻ ബേബി, ഇഞ്ചിപ്പറമ്പിൽ ബിനു, ഐക്കരമാലിയിൽ ബേസിൽ, പൊട്ടയ്ക്കൽ ശിവകുമാർ, കൂട്ടാലയിൽ ജോയൽ എന്നിവരാണ് അറസ്റ്റിലായത്. കഞ്ചാവ് കടത്താൻ ഇവർ ഉപയോഗിച്ചിരുന്ന ബൈക്കും ഹോണ്ട ആക്ടീവ സ്കൂട്ടറും, കഞ്ചാവ് വലിക്കാൻ ഉപയോഗിച്ചിരുന്ന ബോംഗ് എന്നിവയും പിടിച്ചെടുത്തിട്ടുണ്ട്. രഹസ്യവിവരത്തെ തുടർന്ന് കുറച്ച് നാളുകളായി പ്രദേശം എക്സൈസിൻ്റെ നിരീക്ഷണത്തിലായിരുന്നു. എക്സൈസ് സംഘത്തിൽ ഇൻസ്പെക്ടർ പി ഇ ഷൈബു, അസിസ്റ്റൻ്റ് എക്സൈസ് ഇൻസ്പെക്ടർ ജോർജ് ജോസഫ്, പ്രിവൻ്റീവ് ഓഫീസർ അജി അഗസ്റ്റിൻ, സിവിൽ എക്സൈസ് ഓഫീസർമാരായ പി.ബി.ലിബു, കെ.ജി.അജീഷ്, കെ.കെ. വിനോദ്, റ്റി.കെ.അനൂപ് എന്നിവരുടെ നേതൃത്വത്തിലായിരുന്നു പരിശോധന.
#Kothamangalam
#KothamangalamLive
0 Comments