ബിരിയാണി ചലഞ്ചിനൊപ്പം അഗതികൾക്ക് ഭക്ഷണമെത്തിച്ച് പ്ലേമേക്കേഴ് ക്ലബ്ബ്

ജീവകാരുണ്യ പ്രവർത്തനങ്ങൾക്ക് ഫണ്ട് സ്വരൂപിക്കുന്നതിനായി അടിവാട് തെക്കേകവല പ്ലേമേക്കേഴ്‌സ് ക്ലബ്ബിന്റെ നേതൃത്വത്തിൽ സംഘടിപ്പിച്ച ബിരിയാണി ചലഞ്ച് ഗ്രാമപഞ്ചായത്ത് വൈസ് പ്രസിഡന്റ്ഒ ഇ അബ്ബാസ് ഉദ്ഘാടനം ചെയ്തു. ഇതോടൊപ്പം കോതമംഗലം പ്രദേശത്തുള്ള സ്നേഹാലയത്തിലെ എൺപതോളം അഗതികൾക്ക് ഉച്ചഭക്ഷണമായി ബിരിയാണി എത്തിച്ച് നൽകി. ക്ലബ്ബ് ക്ഷാധികാരി ഇബ്രാഹിം പൂവത്തുംവീട്ടിൽ, പ്രസിഡന്റ് കെ എം ഷിയാസ്, സെക്രട്ടറി ടി എസ് അറഫൽ, ട്രഷറാർ കെ എസ് ഷെഫിൻ, പ്രോഗ്രാം കമ്മിറ്റി ചെയർമാൻ എൽദോസ് ലോമി, കൺവീനർ രാജേഷ് കുമാർ, പി എം സിയാദ് എന്നിവർ ബിരിയാണി ചലഞ്ചിന് നേതൃത്വം നൽകി.