കോപ്പ അമേരിക്ക ഫുട്ബാളിൽ കൊളംബിയയെ തോൽപ്പിച്ച് അർജന്റീന ഫൈനലിൽ പ്രവേശിച്ചു. ഞായറാഴ്‌ച പുലർച്ചെ നടക്കുന്ന ഫൈനലിൽ നിലവിലെ ചാന്പ്യൻമാരായ ബ്രസീലുമായാണ്‌ അർജന്റീന മത്സരിക്കുക.
ഇന്ന് പുലർച്ചെ നടന്ന സെമിഫൈനൽ മത്സരത്തിൽ കൊളംബിയയെ ഷൂട്ടൗട്ടിൽ 3 ‐2ന്‌ തോൽപ്പിച്ചാണ് അർജന്റീന ഫൈനലിൽ പ്രവേശിച്ചത്. കളിയുടെ നിശ്ചിത സമയത്ത് ഇരുടീമുകളും ഓരോ ഗോൾ വീതം നേടി സമനിലയിൽ ആയിരുന്നു. ഷൂട്ടൗട്ടിൽ അർജന്റീന ഗോൾ കീപ്പർ മാർട്ടിനെസ്‌ കൊളംബിയയുടെ മൂന്ന്‌ പെനൽറ്റി കിക്കുകളാണ്‌ തടുത്തിട്ടത്‌.
കളിയുടെ ഏഴാം മിനിറ്റിൽ ലൗതാരോ മാർട്ടിനെസിലൂടെ അർജന്റീന ലീഡ്‌ നേടിയിരുന്നു. മെസിയാണ്‌ അവസരമൊരുക്കിയത്‌. എന്നാൽ രണ്ടാം പകുതിയിൽ ലൂയിസ്‌ ഡയസ്‌ നേടിയ ഗോളിലൂടെ കൊളംബിയ തിരിച്ചടിച്ചു. തുടർന്ന്‌ മത്സരം ഷൂട്ടൗട്ടിലേക്ക്‌ നീങ്ങുകയായിരുന്നു. അർജന്റീനയ്‌ക്കായി ലയണൽ മെസി, ലിയാൻഡ്രോ പരദേസ്‌, ലൗതാരോ മാർട്ടിനെസ്‌ എന്നിവർ കിക്ക്‌ ലക്ഷ്യത്തിലെത്തിച്ചു.
0 Comments